Home Aktualitet Konferenca e ...

Konferenca e FAO-s, ministrja Denaj: Strategji kombëtare digjitale për bujqësinë

28
0

Ministrja e Bujqësisë dhe e Zhvillimit Rural, Anila Denaj, mori pjesë në Konferencën së 34-t Rajonale të FAO-s, që po mbahet në Romë nga datat 14-17 maj 2024. “Për të filluar me projektin e FAO-s, i cili fillon shumë shpejt, do të krijojë një platformë të re për fermerët, që do të jetë çelësi për perspektivën e tyre ekonomike, por edhe aktivitetet në detyrat e tyre të përditshme. Pra, ne po punojmë edhe për infrastrukturën dhe shpërndarjen e informacionit, ku ne projektojmë të ardhmen tonë të afërt”, tha Denaj.

Ajo theksoi se dy komponentë që po startojnë janë janë zhvillimi i strategjisë kombëtare digjitale për bujqësinë, dhe një plan veprimi, i cili do të jetë një oportunitet për të marrë përvojat e shteteve të tjera dhe për t’i përshtatur në vendin tonë.

“Kjo strategji mund të jetë një mjet efektiv për politikëbërjen. Ndërsa komponenti i dytë përveç Portalit të Fermerit, i cili lidhet drejtpërdrejt me shpërndarjen e informacionit tek fermerët është fakti që ne do të bashkëpunojmë gjithashtu edhe me ILO-n mbi edukimin. Ne kemi programuar veten tonë në një proces ku edukimi profesional merr shumë njohuri për risitë në teknologjinë sot. Kështu, që kurrikula e edukimit profesional do të ketë njohuri mbi të gjitha përvojat e shkëmbyera jo vetëm në këtë tryezë, por edhe në ato të vendeve të tjera që janë të përshtatshme edhe me ne”, tha Denaj.

Ministrja vlerësoi si mjaft të rëndësishëm fillimin e një projekti në bashkëpunim me Bankën Botërore, të quajtur “Qëndrueshmëria ndaj klimës dhe zhvillimi i bujqësisë”, nëpërmjet të cilit, sipas Ministres, synohet modernizimi i skemave të ujitje-kullimit në dy zona bujqësore të rëndësishme të Shqipërisë, të cilat do jenë projekte pilot, dhe do të shërbejnë si shembuj për zonat e tjera se çfarë do të jetë më eficiente, më pak e kushtueshme dhe sisteme më të mira ujitje-kullimi në Shqipëri duke tejkaluar sistemet e vjetra të ndërtuara para viteve ’90-të.

LAJMET KRYESORE

Të përzgjedhura

Më shumë nga Aktualiteti

Më shumë nga Aktualiteti

Lajmet e Fundit

Te Fundit