Heroi i zakonshëm i zikaltërve, Romelo Lukaku, la gjurmë edhe në Kupën e Italisë duke shënuar golin e kualifikimit kundër Fiorentinës. Në intervistën për “Rai Sport” ai nuk la pa komentuar edhe duelin e radhës në kampionat ndaj Juventusit.
“Derbi i përket së ardhmes (do të luhet Inter-Milan në çerekfinale) ne jemi të lumtur që kemi fituar kundër një ekipi shumë të fortë me një trajner të shkëlqyeshëm. Ishte e rëndësishme për besimin tonë, duhet të vazhdojmë kështu. Ne jemi duke punuar, kemi biseduar pas ndeshjes së Romës dhe i thamë vetes se disa gjëra nuk duhet të ndodhin.
Jemi një ekip i ri, duhet të mësojmë nga këto momente. Ne po rritemi dhe duam të përmirësohemi. Me Juve do të jetë një ndeshje taktike, mes dy skuadrave që po bëjnë gjëra të mira. Ata janë një ekip i madh, jemi të gatshëm dhe duhet të përgatitemi mirë”, deklaroi Lukaku.
Discussion about this post