Ministrja e Jashtme e Kosovës, Meliza Haradinaj-Stublla është vetëizoluar sot në banesën e saj dhe ka bërë testin për COVID-19.
Haradinaj-Stublla shkruan se ka patur kontakt me një zyrtar të lartë të Ministrisë së Punëve të Jashtme dhe Diasporës në Kosovë që dje rezultoi pozitiv me COVID-19.
Ajo shton se ka anuluar të gjitha aktivitetet dhe obligimet deri në rezultatin e testit të saj.
STATUSI NGA MELIZA HARADINAJ-STUBLLA
Pas kontaktit me një nga zyrtarët e lartë të MPJD-së që ka rezultuar dje COVID19 pozitiv, jam vetëizoluar dhe testuar sot rreth orës 09:00. Po ashtu sot kam anuluar të gjitha aktivitetet e obligimet e parapara, duke vazhduar punën nga vetëizolimi deri në rezultatin e testimit.
Discussion about this post