Ish-arbitri Graciano Cesari në emisionin “Pressing” është shprehur se penalltia e dhënë në fundin e ndeshjes Inter-Juve, ishte e drejtë pas konsultimit me teknologjinë.
“Pas rrëzimit të Alex Sandros në zonë, gjyqtari bën shenjë që loja të vazhdojë, madje thotë, çohu se nuk ka ndodhur asgjë.
Në këtë pikë, VAR-i thërret arbitrin Mariani, që më pas jep penallti. Këmba e djathtë e Dumfries godet atë të lojtarit të Juventusit. Naiviteti është absolutisht i dënueshëm”.
Nga sjellja e arbitrit në fushë, supozohet se drejtuesi i ndeshjes nuk e ka parë mirë episodin, prandaj kemi të bëjmë me një gabim të qartë dhe të dukshëm, prandaj ndërhyri edhe VAR”, deklaroi ish-gjyqtari i njohur.