Shqipëria renditet nga organizata të ndryshme si një vend në rrezik nga terrorizimi, por qeveria ”Rama 3” nuk ka renditur asnjë masë në planin e ri qeverisës.
“Shqipëria sot gëzon një reputacion të spikatur ndërkombëtar dhe jep kontribut të mirënjohur e të vlerësuar në luftën kundër terrorizmit në ruajtjen e sigurisë globale”,-shkruhet në program.
Në asnjë moment nuk theksohet se për çfarë masash do të ndërmarrë konkretisht për të mbajtur këtë standard të supozuar por që hidhet poshtë nga raportet e huaja.
Po ashtu nuk përmendet fare as krimi i të ardhmes, ai kibernetik. Bota po bëhet gjithmonë e më e pasigurtë për shkak të “hackerave”, qeveria nuk ka marrë asnjë masë parandalimi duke i varur të gjithë shpresat tek “frika” që mund të shkaktojnë ashprësimet në Kodin Penal.