Zhbllokohen gradat në Policinë e Shtetit/ Rihapet konkursi për rritje në detyrë
Në Policinë e Shtetit janë zhbllokuar gradat për punonjësit që duan rritje profesionale.
Pas rreth një viti që ishin bllokuar, tashmë ka dalë një urdhër i ri nga drejtori i Përgjithshëm i Policisë së Shtetit, Muhamet Rrumbullaku.
Ky i fundit ka hapur konkursin për gradat drejtuese nga komisar deri tek drejtuesi i parë për 572 vende të lira.
Për gradën komisar, janë hapur 320 vende të lira, për kryekomisar 200, për drejtues 40 ndërsa për gradën drejtues i parë 12 vende.
Afati i aplikimeve është një muaj, duke nisur nga data 17 nëntor deri më 17 dhjetor.
Komisioni vlerësues që do bëjë përzgjedhjen e kandidatëve që plotësojnë kriteret dhe më pas ata do t’i nënshtrohen vlerësimit me shkrim dhe gojë. Në vendimin final përllogaritet dhe performanca në detyrë dhe aspekti administrativ.
