Ka edhe kështu, që banorët të mos i besojnë premtimeve të pushtetarëve dhe të veprojnë. Një kryebashkiak në qytetin jugor meksikan të Chiapas është lidhur në pemë nga rezidentët vendorë, pasi u prezantoi atyre sistemin “e ri” të ujit të pijshëm në gjendje të rrënuar dhe jofunksionale.
Óscar Ramírez po prezantonte të hënën një seri projektesh publike që u kishte premtuar banorëve të qytetit të Frontera Comalapa. Përfaqësues të pakënaqur nga 11 komunitetet nga të cilat përbëhet qyteza në kufi me Guatemalën, ngritën pyetje të zemëruar ndaj Ramírez për gjendjen e rrënuar të sistemit të ujit të pijshëm dhe më pas e kapën atë duke e mbajtur kundër dëshirës së tij për njëfarë kohe.
Ramírez ishte fotografuar me maskë në fytyrë dhe me duart e lidhura prapa një peme. Lideri i komunitetit ngjitet mbi depozitën dhe gërvisht sipërfaqen e saj, e cila është mbuluar me beton për të parandaluar rrjedhjen e ujit.
“Ai na premtoi se do të bënte një punë të mirë për njerëzit e Comalapa, por kjo ishte e gjitha një mashtrim sepse sistemi i ujit nuk punon mirë”, tha rezidenti i cituar nga e përditshmja ”El Sol de Mexico”.
Discussion about this post