Presidenti i Lazios, Claudio Lotito, foli edhe për të ardhmen e drejtorit sportiv Igli Tare në një intervistën për gazetën Il Messaggero.
“Nuk është vendosur asnjëherë në dyshim roli i tij, as e ardhmja e tij”, deklaroi numri një i bardhekaltërve.
Drejtori shqiptar ka kontratë deri në muajin qershor. Ardhja në klub e Angelo Fabiani ka kufizuar disi rolin e Tares në klubin e Lazios, diçka që mund të sjell dhe largimin e tij.
Tare është kërkuar prej kohësh fillimisht nga Milani, ndërkohë që tashmë është dhe në listën e Juventusit, si një nga kandidatët që mund të zëvendësojnë Cherubinin dhe të bëhet përgjegjës për merkaton e bardhezinjve. /R.Lika-Koha Jonë/