Grupi i Sali Berishës në selinë blu, po përgatitet për protestën me pritshmërinë që në bulevard të jenë nga 80 deri në 100 mijë qytetarë. Organizatorët thonë se nuk ka një skenar për të ngritur një çadër në bulevard dhe se fatin e protestës do ta kenë në dorë qytetarët.
Partia Demokratike ka depozituar njoftimin për mbajtjen e protestës në Policinë e Shtetit, duke dhënë edhe detaje nga organizimi i këtij tubimi. Protesta pritet të nisë në orën 12:00, por nuk specifikohet se sa do të zgjasë.
PD-ja thotë se motivi i protestës është për të kërkuar dorëheqjen e Kryeministrit Edi Rama, pasi “ka vënë në rrezik pluralizmin, votën e lirë dhe demokracinë”.
