Qytetarët shprehet të gëzuar me situatën e pandemisë në vend. Jo vetëm me lehtësimin e masave, por edhe me mbylljen e spitaleve Covid, ata këtë meritë ja dedikojnë mjekëve dhe punës së palodhur që vijojnë të bëjnë në luftën me armikun e padukshëm. ”Shefqet Ndroqi” pas një viti si spital Covid, prej disa ditësh i është rikthyer funksionit që ka pasur përpara pandemisë. Po ashtu, prej 3 ditësh në vend nuk janë regjistruar humbje në jetë dhe rastet e reja kanë qenë në shifra drastikisht të ulëta.
Disa nga reagimet e tyre
”Një lajm i madh. Këtë kemi prit”. “Mbaroi pandemi aq ishte. U arrit imuniteti I tufës tek ne. Populli është I lirë të heqë maskat, të dalin për qejf. Iku më e madhja dhe fare, nuk ka për të ardhur më. Unë e kalova Covid-in rëndë, por në shtëpi. Nuk shkova në spital. Mora doktor privat”.
“I dëgjova lajmet dje dhe lajmi që më bëri përshtypje dhe më mbeti në mendje është që u mbyll “Shefqet Ndroqi”. Ky është një sukses, Bravo!”
“Kemi patur të afërm të shtruar në atë spital. Disa ja dolën e disa jo. Ishte luftë e ftohtë kjo që përjetuam, por e kaluam me sukses”.
“Të shtruar nuk kam patur në atë spital. Lajme të mira presim tani, që të gëzojmë ne, të gëzojnë fëmijët tanë. Të shkojmë tek fëmijët që I kemi jashtë. Kam gati 1 vit e gjysmë pa shkuar tek vajza në Zvicër”.
“Jemi shumë të kënaqur, është gjë e bukur shumë. Presim për më mirë akoma. Unë po pres tani të iki të dal të shikoj fëmijët jashtë”.
“Shyqyr që shpëtuam. Ja hodhëm. Jemi të kënaqur, vaksinën e kemi bërë, jemi në rregull. Do Zoti na jep një çikë shëndet tani”.
“Po ku ka lajm më të bukur se ky. U gëzuam pa masë. Për gjithçka kemi shpëtuar. Për fëmijët nuk kemi më frikë”.
“U shëruan njerëzit. Rrofshin mjekët, infermierët e të gjithë punonjësit e mjekësisë”.
