Kryeministri Edi Rama ndodhet në Vlorë, teksa është ndalur mbrëmjen e sotme edhe në lagjen Çole, ku ka inspektuar punimet. Pa praninë e kryetarit të Bashkisë së Vlorës, Dritan Leli, Rama thotë se vijon transformimi në brendësi të lagjes, ku po punohet me infrastrukturën rrugore.
Sipas kryeministrit, me investimet e bëra në këtë lagje do të rritet vlera e banesave si dhe do të krijohen kushte më të mira për komunitetin.
“Vlorë, Çole, vijon transformimi në brendësi të lagjes, ku pasi janë ndërtuar rrjetet e reja të ujësjellës-kanalizimeve e janë kryer punimet elektrike, po punohet me infrastrukturën rrugore, gjelbërimin dhe fasadat e pallateve, duke rritur vlerën e banesave dhe krijuar kushte të mira për komunitetin”, tha Rama.
