Në mbledhjen e Asamblesë së Partisë Socialiste në Vlorë, Rama ka pasur mjaft kritika për socialistët të cilët janë në krye për sa i përket këtij qarku.
Burime të Fax News, bëjnë me dije se ka qenë mjaft i ashpër edhe ndaj kryetarit të partisë socialiste të Vlorës dhe të këshillit bashkiak.
“Na keni bërë bolori”- mësohet të ketë thënë Rama.
Ndërsa lidhur me përgatitjen që Afrim Qëndro mund të ketë bërë për t’u bërë kryetar bashkie, Rama ia shuajti shpresat.
Në fjalën e tij ai u shpreh i ashpër dhe i prerë duke thënë:
“Afrimi do bëhet kryetar Bashkie kur unë të bëhem Gazmend Bardhi. Në Vlorë e kam sjellë për të mbushur gropat”.
Siç duket Ramës nuk i ka pëlqyer aspak fakti që çështja me Dritan Lelin është bërë kaq e madhe nga ana e Këshillit bashkiak dhe nga Kryetari i PS në qarkun e Vlorës, Afrim Qëndro i cili mesa duket ka pretenduar të jetë ai kryetari i ardhshëm i bashkisë.
Pas mbledhjes dhe zhgënjimit të pësuar nga fjalët e Ramës, Afrim Qëndro shihet në videon e mëposhtme teksa shfryn inatin ndaj një qytetareje e cila ishte afruar për t’i kërkuar ndihmë lidhur me diçka. Qëndro është treguar tepër arrogant duke i kërkuar që të largohet dhe ta lërë rehat. / Fax News
