Partia “Aleanca për Ardhmërinë e Kosovës” këmbëngul se nuk do të votojnë asnjë kandidat tjetër për president të vendit, përveç kryetarit Ramush Haradinajt.
Krerët e partive politike pritet javën e ardhshme të nisin takimet për të zgjidhur ngërçin institucional të krijuar nga dorëheqja e papritur e kreut të shtetit, Hashim Thaçi.
Nënkryetari i AAK-së, Ahmet Isufi, liston disa nga pikat e forta se pse ish-kryeministri Haradinaj e meriton karrigen e liderit.
Isufi: Ramush Haradinaj di të sillet si lider i vendit të vet. Këtë e ka konfirmuar me tentimin për ndarjen e Kosovës që ishte shumë i përgjegjshëm në ato situata. Po ashtu, edhe rreth krijimit të ushtrisë, ligjit për Trepçën si pasuri e Kosovës dhe territor i Kosovës. Edhe raportet me ndërkombëtar i ka sqaruar drejtpërdrejtë ashtu si burrështetas…”
Partitë opozitare, si Lëvizja Vetëvendosja apo PDK-ja, nuk i ka bindur kandidatura e Haradinajt, sikurse udhëheqësit e koalicionit qeverisës nga Lidhja Demokratike e Kosovës.
“Nuk ka ndonjë lidhje çështja e presidentin me funksionimin e qeverisë. Më shumë ka mosdakordim mes partnerëve politikë sesa ka të bëjë me presidentin.”
Nënkryetari Isufi beson se për 14 deputetët e AAK-së nuk ka zgjidhje tjetër.
Ai pret që partitë të heqin dorë nga interesat e ngushta, ndryshe paralajmëron divorcin politik.
Isufi: “Nëse nuk ka zgjidhje atëherë ka zgjedhje është e palogjikshme të mendojmë ndryshe, sepse edhe në rrethana të caktuara, kur kemi thënë për rolin e kryeministër për shembull, kur na kanë thënë pse po ngulni këmbë se vota nuk është e mjaftueshme sa i përket nivelit të partisë. Por ne po konsiderojmë se njerëzit duhet të zgjedhën në vendin adekuat ku e meritojnë për shkak se funksionimi i tyre do të ishte më i mirë për shoqërinë.”
Që nga data 5 nëntor, posti i të parit të shtetit në Kosovë po ushtrohet përkohësisht për një afat jo më të gjashtë se gjashtëmujor nga kryeparlamentarja, Vjosa Osmani.
Me Kushtetutë, procedurat për formalizimin e pasardhësit duhet të mbyllen brenda datës 5 prill 2021, ndryshe do të shpërndahet parlamenti dhe vendi do të shkojë automatikisht në zgjedhje të reja.
Discussion about this post