Në të gjitha mediat sociale po qarkullon video-ja e përplasjes mes një çifti dhe pronarëve të një hoteli në Himarë. Para se të përplaseshin në rrugë dhe të merreshin me Policinë, marrëdhëniet mes palëve kanë qenë të mira.
Në një bisedë të publikuar në rrjete sociale, klientët kërkojnë më shumë internet për të punuar nga dhoma, por ajo që bie në sy është fakti që gjithë kohës, pronarët përgjigjen me mirësjellje. Madje dhe duke përdorur “fjalët magjike”.
Çifti për arsyet e tyre kishin vendosur që të shkonin një ditë më parë. Në hotel nuk u kënaqën nga shërbimi, duke vendosur që të largoheshin një ditë para. E nxehur nga ndryshimi i planit, pronarja e hotelit kërkon paratë, duke i akuzuar pushuesit se i kishin djegur edhe çarçafët.
