Situata e krijuar mes pasardhësit të tij në krye të Ministrisë së Drejtësisë, Petrit Vasili, me bordin anëtarëve të Operacionit Ndërkombëtar të Monitorimit të procesit të Vetingut, lidhur me kushtetutshëmrinë e rolit të këtij bordi, për ish-ministrin i Drejtësisë Ylli Manjani ka vetëm një zgjidhje: që qeveria të shkarkojë minimalisht Sekretarin e Përgjithshëm të Kryeministrisë (Ëngjëll Agaçi), si shkaktarin kryesor të ngërçit të krijuar lidhur me zbatimin e ligjit të vetingut.
Në një intervistë për Ora News, Manjani u shpreh se: Sekretari i Përgjithshëm i Kryeministrisë ka marrë një vendim krejtësisht të paligjshëm dhe në shkelje të çdo kompetence duke ftuar operacionin e ndërkombëtarëve në vendin tonë, pa pasur një vendim qeverie lidhur me këtë çështje.
“Qeveria shqiptare nuk ka marrë ende një vendim të fotojë apo jo ONM në Shqipëri. Por me një letër formale të sekretarit të përgjithshëm që nuk është i autorizuar me ligj dhe kushtetutë është ftuar ONM. Këtu fillon diskutimi, pra nuk ka punë as ambsadorët as ONM. Qeveria ka dështuar të marrë një vendim në rrugë kushtetuese dhe ligjore dhe këtu ka filluar kjo çështje dhe këtu duhet të mbarojë kjo çështje dhe qeveria duhet të shkarkojë sekretarin e Këshillit të Ministrave sepse ka shkelur rëndë ligjin. Kjo është përgjigja që i jepet kësaj çështje. Jo sekretari i përgjithshëm, por asnjë ministër, as kryeministri vetë nuk ka autorizim që të ftojë ONM pa vendim të Këshillit të Ministrave. Pra duhet të ishte mbledhur Këshilli i Ministrave të merrej një vendim pastaj të ftohej ONM”- tha Manjani.
Sipas Manjanit, prezenca e ONM-së në vendin tonë është një mision i pakërkuar zyrtarisht nga qeveria. “Nuk ka një vendim qeverie për sjelljen në vendin tonë të një misioni të tillë”- deklaroi Manjani.
Për ish-ministrin e Drejtësisë, Ylli Manjani vettingu është pretekst për të shmangur vëmendjen nga dialogu politik dhe zgjedhjet. Në një intervistë për Ora News, Manjani tha se jemi larg situatës normale për zhvillimin e zgjedhjeve.
Manjani: Vettinu për mua është pretekst për të shmangur çështjet më të rëndësishme të ditës dhe çështjet më të rëndësishme janë dialogu politika dhe përgatitja e vendit për zgjedhje. Jemi larg situatës normale për të zhvilluar zgjedhje të lira, të ndershme, të qeta dhe ndoshta paqësore. Kjo është situata ku jemi. Sigurisht vettingu dhe të gjithë hapat e tjerë që i takojnë reformës në drejtësi janë të rëndëishëm për funksionimin e shtetit, por janë pjesë e skemës politike ku pritet të merren këto vendime.
Sot gjyqtarët dhe prokurorët janë në drejtim të paditur. Askush nuk din çfarë bën asgjë, ata as kontrollohen, as monitorohen, as japin më llogari askund, as ministri i Drejtësisë nuk ka më rol për të luajtur, as KLD nuk ka më rol për të luajtur, as Prokurori i Përgjithshëm nuk ka më rolin që kishte për të luajtur. Kështu që sot luajnë arush, siç thotë populli, gjyqtarët dhe prokurorët me çështje konkrete dhe kjo është një situatë që nëse vazhdon kështu edhe përgjatë procesit të vettingut, kjo është një histori katastrofale për funksionimin e shtetit dhe nuk e zëvendëson, nuk ka pushtet tjetër as deputet, as qeveritarë që duke dalë në televizor dhe duke u shprehur për drejtësinë kujtojnë se japin drejtësi. Drejtësinë do ta japin vetëm gjykatat në sallën e gjyqit. Askush tjetër nuk e bën dot këtë.
Fryma e ndryshimeve Kushtetuese që u bë me 140 vota ishte pjesëmarrje politike në proces, që do të thotë pozita dhe opozita kanë shance të barabarta në ngritjen e këtyre strukturave. Nëse njëra nga palët nuk është prezent ne duhet të presim se duhet të zgjidhim problemin politike.
Në listën e filtruar nga Avokati i Popullit dhe ONM ka kandidatë që nuk duhet të jenë
Manjani: Unë kam prirje ta shoh këtë sjellje të kuvendit si një xhest i vullnetit të mirë për ti dhënë edhe një shanc vettingut të rikonceptohet apo të fillojë. Ajo listë që u filtrua nga Avokati i Popullit dhe për fat të keq edhe pas filtrit të ONM, ajo listë edhe me 21 kandidatë kishte vend për tu filturuar sepse edhe në ata 21 kandidatë ka përsëri emra që nuk duhet të jenë aty. Logjikisht dhe juridikisht i gjithë ky proces ka dështuar. Njerëz në konflikt permanent interesi propozohen që të jenë pjesë të vettingut dhe kam thënë janë bashkëshortë gjyqtarësh dhe prokurorësh dhe për ca janë aty ? Për të mbrojtur gratë e tyre.
Vendimi i kuvendit, për të shpëtuar procesin
Manjani: Nga kjo pikëpamje reagimi i vetëm ligjor i parlamentit ishte ristartimi i procesit dhe ristartim do të thotë t’ia çosh Presidentit të Republikës dhe është Presidenti që duhet ta rifillonte procesin, duhet të rifillonte konkurrsin dhe nëse Presidenti i Republikës do refuzonte ta bëntë sic bëri herën e parë atëhere mund ta bëntë Avokati i Popullit. Vendimi i Kuvendit përveç një vullneti të mirë për të shpëtuar një proces nuk ka asgjë tjetër brenda sepse ligjërisht është jashtë mase i diskutueshëm.
Ka krizë të burimeve njerëzore.
Manjani: Nuk është vetëm struktura e vettingut, por sekretarja e Përgjithshme e Kuvendit ka alertuar parlamentin që edhe në KLGJ dhe KLP nuk ka kandidatë të mjaftueshëm që plotësojnë kriteret ligjore për të aktivizuar vendimarrjen e parlamentit dhe ja ku jemi. Kriza e burimeve njerëzore që është ngritur edhe më parë dhe është injoruar sistematikisht dhe kushdo që e ngrinte këtë shqetësim quhej antireformës. Ja këto pro reformës tani ku e kanë! Dhe kjo është një gjë që duhet thënë dhe duhet uluritur se kjo është pastaj të tallesh.
Opozita duhet të përfshiet në proces
Manjani: Nuk do ishim në këtë krizë politike ku jemi sot, nëse opozita do vazhdonte të kontribuonte siç kontribuoji në hartimin e dispozitave kushtetuese. Nëse do ekzistojë vullneti i mirë dhe ky vullnet i mirë nuk mund të jetë në mënyrë të njëanshme, por duhet të jetë paketë e bisedimeve politike për të angazhuar edhe opozitën në këtë proces sepse pa opozitën në cdo rast nuk bëhet asgjë. Në çastin që po flasim 50 % procesit është e PD, 50% tjetër i përket mazhorancës. Asgjë nuk ka për tu cuditur, është një histori që është përsëritur, e kemi parë në të shkuarën dhe e shikojmë tani. E përsëris vullneti i mirë i kuvendit nuk është i mjaftueshëm për të aktivizuar një reformë në drejtësi të besueshme dhe ashtu sic është projektuar në dispozitat kushtetuese me konsensusin e 140 deputetëve.
vijon
