Ditën e sotme ministrja e Shëndetësisë, Ogerta Manastirliu ndodhej në Qendrën Shëndetësore nr.2 në Tiranë, ku ka shpjeguar se si do të funksionojë rimbursimi i barnave për personat e infektuar me COVID-19.
Manastirliu është shprehur se një i prekur nga koronavirusi fillimisht duhet të komunikojë me mjekun e familjes. Pas kësaj, mjeku i jep atij recetën bashkë me një kod unik, me të cilin pacienti paraqitet në farmaci.
Pasi sheh kodin unik, farmacia i siguron pacientëve barnat për koronavirusin të rimbursuara me të cilat mund të trajtohet në shtëpi.
E gjithë procedura vlen për të sëmurët me simptoma të lehta apo të mesme, ndërsa nëse situata rëndohet është mjeku i familjes që e vlerëson dhe më pas ai mund të trajtohet në spital.
Discussion about this post