Interi fiton me “manita” ndaj Veronës, shkëlqen Asllani me një asist (VIDEO)

Interi fiton dhe dhuron spektakël edhe me rezervat në duelin kundër Veronës. Skuadra zikaltër aktivizoi titullar Asllanin dhe Correa-n, por kjo nuk e pengoi që të fitonte 5-0, madje duke i shënuar të gjitha golat që në 45 minutat e para.

Correa zhbllokoi ndeshjen që në minutën e 17-të, ndërkohë që më pas do të ishte radha për një dopietë nga Marcus Thuram. De Vrij shënoi golin e katërt pas një asisti nga Kristjan Asllani.

Për t’i dhënë fund golave mendoi Bisseck në minutën e 41-të, me një goditje që shkoi në trekëndëshin e portës. Asllani në këtë mënyrë bën një provë shumë pozitive që do e ndihmojë të fitojë më shumë besim nga Inzghi në ndeshjet në vijim. /R.Lika-Koha Jonë/