Ndodh dhe kështu, Manchester City turpërohet përballë Tottenhamit
Sporti E Shtunë, 23 Nëntor 2024 20:43
Manchester City nuk di të ngrejë krye. Skuadra e Pep Guardiola-s është mundur 4-0 në shtëpi nga Tottenham dhe ka regjistruar kështu disfatën e tretë radhazi në kampionat dhe të pestën radhazi duke përfshirë edhe kompeticionet e tjera.
Skuadra e Postecoglou, siguroi tri pikët që në 45 minutat e para falë dy golave të shënuar nga Maddison në harkun e shtatë minutave 13-të dhe 20-të. Në fillimin e pjesës së dytë, kur pritej reagimi i City-t, Porro shënoi golin e tretë.
Johnson ndërkohë shënoi golin e katërt në kohën shtesë. Tottenham me këtë fitore ngjitet në vendin e 6-të, ndërkohë që City mbetet e dyta me 5 pikë më pak se Liverpooli, por këta të fundit kanë dhe një tjetër sfidë për të luajtur. /R.Lika-Koha Jonë/
