Arrestohet 10 vite pas vrasjes në Selanik

Një 33-vjeçar ka rënë në pranga, pasi ishte shpallur në kërkim për një vrasje në Selanik. Burime nga Policia e Tiranës bënë me dije se Vladimir Baku, banues në Elbasan, akuzohet për vrasjen e Florenc Zhgunit më datë 19 qershor të vitit 2006 në Greqi.

Lidhur me këtë ngjarje, Prokuroria Elbasan kishte dënuar Bakun me 18 vjet burg për Veprën Penale “Vrasje me dashje”. Baku i’u dorezua punonjësve të Drejtorisë Vendore të Policisë Elbasan, për veprime të mëtejshme.