Operacioni i policisë në gjithë vendin, 30 të ndaluar. Arrestohen dhe dy policë

Një operacioni masiv i policisë pasditen e kësaj të diele që ka përfshirë një numër të madh uniformash blu, FNSH dhe RENEA. Burime nga policia thanë se operacioni i policisë ka qenë i shtrirë në 5 rrethe të vendit: Durrës, Shkodër, Elbasan, Fier dhe Lezhë. Policia nuk ka dhënë ende detaje zyrtare, por mësohet se kanë qenë rreth 50 urdhra-ndalimi nga të cilët afërsisht 30 janë ekzekutuar.

Mes të ndaluarve ka pasur edhe të paktën 2 oficerë policie. Njëri nga efektivët e ndaluar ka qenë në Morinë, ndërsa tjetri në Fier i dyshuar si pjesë e një grupi kriminal që operonte në këtë qytet. Të ndaluarit kanë qenë grupe që kishin si punë të tyre trafikun e drogës dhe armëve.

Një nga grupet e trafikut të drogës është goditur në zonën e Shijakut duke vënë në pranga të paktën 6 persona. Në krye të arrestimeve është emri i Flamur Avdylit, por lapsi.al mësoi se është prangosur edhe Astrit Avdyli, Jasin Avdyli, Fatos Llaftiu, Shkëlqim Avdyli dhe Shaqir Gjepali. Flamur Avdyli është i njohur për disa biznese në Shijak. Ai zotëron kompaninë “Orges Albania 2016” dhe hotelin luksoz “Germany” në Durrës. Lapsi.al

Lexoni dhe …

• Arrestohet ish-deputeti i PS-së Arben Çuko
• Arrestohet edhe një tjetër ish-deputet i PS, Arben Ndoka
• Durrës, arrestohet “bosi i kokainës” Flamur Avdyli
• Ditë arrestimesh. Urdhër arresti për Lul Berishën
• FNSH rrethon Sarandën, kërkohet Kelment Balili
• Rama flet për arrestimet: S’ka dy qëndrime mbi ligjin
• Vasili: Edi Rama i mbyll veprat e tij penale me falje në facebook
• Me “peshqit e ngordhur”, nuk justifikohen mos-arrestimet e përbindëshave të krimit!
• ‘Loja e rëndë filloi!’, Zagani ka një mesazh