Pushteti vendor, ja 7 kompetencat e bashkive të reja

Ministri i Çështjeve Vendore, Bledi Çuçi prezantoi sot kompetencat e reja që do t’i kalojnë 61 bashkive, me miratimin e buxhetit të ri 2016, në kuadër të zbatimit të reformës territoriale.

7 kompetencat që i kalojnë bashkive të reja, një proces ky që do të shoqërohet dhe me transferimin e plotë dhe të burimeve financiare janë:

1. Arsimi parashkollor. I gjithë personeli i kopshteve do të jetë nën administrimin e plotë të bashkisë, një proces që do të shoqërohet me transferimin e plotë të burimeve financiare që mbulojnë këtë administrim.

2. Mirëmbajtja dhe pronësia e rrugëve rurale dhe një pjesë të rrugëve rajonale që janë pjesë e bashkisë. Edhe kjo do të shoqërohet me fondin përkatës të akorduar në buxhetin e shtetit.

3. Shërbimi zjarrfikës do të jetë tërësisht në funksion të bashkive të reja. I gjithë rrjeti bashkë me kompetencat dhe detyrimet.

4. Fondi i ndihmës ekonomike do të decentralizohet, me kushtin që pjesë e këtij fondi që nuk shfrytëzohet si pjesë e rishikimit të listave dhe emrave fiktivë që ndodhet këtu, të shkojë për qëllime sociale brenda bashkisë përkatëse.

5. Pyjet dhe kullotat me natyrë vendore. Parqet me karakter kombëtar do të jenë nën administrim të qeverisë. 

6. Rrjeti i kanaleve vaditës dhe kullimit. Jemi në bisedimet e fundit

7.Bashkëkontrolli për personelin mjekësor në qendrat shëndetësore.