Shqipëri, 1 në 3 gra janë dhunuar një herë në jetë
Aktualitet E Enjte, 15 Prill 2021 13:51
Në Shqipëri gati 1 në 3 gra kanë provuar të paktën një herë në jetë dhunë gjatë jetës së tyre.
Të dhënat e fundit flasin për rritje të numrit të rasteve të denoncimit të dhunës në familje. Mbi 128 raste të dhunës në familje janë denoncuar nga vetë viktimat. Sipas të dhënave të policisë, janë 51 bashkëshortë që janë arrestuar për dhunën në familje. Përgjatë muajve maj, qershor dhe korrik gjykatat kanë dhënë 159 urdhra mbrojtjeje. Kryeqyteti mban edhe numrin më të madh të rasteve të dhunës të denoncuara ku është trefishuar numri i grave që iu drejtohen atyre, për të denoncuar bashkëshortët dhunues.
Të gjitha shifra që marrin kuptim të veçantë sot, më 25 nëntor, në Ditën ndërkombëtare për eleminimin e dhunës ndaj grave. Datë kjo jo e rastësishme, por si kujtimi i një vrasjeje të tmershme të ndodhur në Republikën Domenikane, ku 3 motrat Mirabal, të konsideruara si revolucionare u torturuan, masakruan dhe u mbytën.
Sigurisht që prej asaj kohe, gjërat kanë ndryshuar, por mjafton të hedhim sytë përreth, të shfletojmë faqet e gazetave, të ndjekim kronikat e zeza të lajmeve që të kuptojmë që dhuna ndaj grave ekziston, madje shpesh është e fshehur brenda muajve të shtëpisë.
