Tërmet 2.9 ballë gjatë natës në Sarandë, nuk raportohet për dëme materiale
Aktualitet E Hënë, 12 Korrik 2021 05:07
Qyteti bregdetar i Sarandës është goditur nga një tërmet 2.9 ballë i shkallës rihter. Lëkundjet janë ndjerë rreth orës 02:22 minuta.
Sipas Institutit të Gjeoshkencave, epiqendra e tërmetit ka qenë Frashtani i Gjirokastrës, 5 km në lindje të Sarandës, ndërsa thellësia ka qenë 4 km. Lëkundjet e tërmetit kanë shkaktuar panik tek banorët, por edhe pushuesit e shumtë.
Ndërkohë, deri më tani nuk raportohet për dëme materiale. Më herët ekspertët pohuan se pas zjarreve dhe temperaturave të larta, vendi ynë do përballej me tërmete, ndërsa theksuan se nuk ka vend për panik.
