Ka shkuar në tre numri i gjyqtarëve të cilët duhet të zëvendësohen në Gjykatën Kushtetuese. Kështu pas Vladimir Kristos dhe Sokol Berberit, mandati i ka përfunduar edhe gjyqtares Vitore Tusha.
Përfundimi i mandatit është konfirmuar në një seancë të zhvilluar në këtë gjykatë, procedurë kjo e parashikuar në ligjin e ri për Gjykatën Kushtetuese. Por, gjyqtari do të qëndrojë në detyrë deri në zgjedhjen e zëvendësuesit për të siguruar kështu edhe vijmësinë e gjykimeve.
Pak muaj më parë përfundoi mandati i anëtarit Sokol Berberi, por ky i fundit dha dorëheqjen edhe pse nga kreu i shtetit nuk është zgjedhur një pasardhës. Ndërkohë Vladimir Kristo vijon të qëndrojë në detyrë edhe pse mandati i tij ka disa kohë që ka përfunduar.
