Ministri i Mbrojtjes Niko Peleshi, ka njoftuar se gjendja e efektivit Edlir Goxhaj, i cili u asfiksua teksa po shuante flakët në Gjirokastër është e qëndrueshme. Peleshi informoi edhe se Goxhaj është në monitorimin e mjekëve të spitalit në Gjirokastër.
“Gjendja e Edlir Goxhaj është e qëndrueshme, vazhdon të jetë nën monitorimin e mjekëve të Spitalit të Gjirokastrës.
Mirënjohje për punën heroike të cdo efektivi të Forcave të Armatosura që nuk po kursen asgje përballë egërsisë së flakëve.
Shërim të shpejtë Edlir!”- shkruan Peleshi.
