Presidenti portugez Marcelo Rebelo de Sousa është vendosur në qendër të akuzave. E gjitha nisi pas komenteve për një vajze gjatë një shëtitje në Toronto, pjesë e vizitës së tij zyrtare në Kanada gjatë kësaj jave.
Ajo çka ka bërë që rrjeti të shpërthej kundër de Sousa është fakti se ai tregoi me gisht dekolten e hapur të vajzës duke i thënë të kujdesej se do ta kapte gripi, dhe më pas iu drejtua asaj duke i thënë “je më e bukur se nëna jote”.
74-vjeçari u përshëndet nga banorët e Torontos gjatë ecjes në qytet dhe në mesin e turmës qëndronte edhe një nënë me origjinë portugeze, së bashku me vajzën e saj. Ato iu afruan presidentit duke i thënë se të dyja quheshin Maria.
Komentet shkaktuan reagime, duke e detyruar liderin të dalë publikisht për t’u mbrojtur. Portugezët nuk u impresionuan me shpjegimin e Presidentit dhe aktivistët e të drejtave të grave dhe rivalët politikë thanë se ai duhet të kërkojë falje.
"La hija todavía pilla una gripe. ¿Has visto el escote que lleva?" Marcelo Rebelo de Sousa presidente de Portugal pic.twitter.com/27O331AUKF
— La Razón (@larazon_es) September 17, 2023
