Ministrja e Shëndetësisë dhe Mbrojtjes Sociale, Albana Koçiu informon se në Qendrën Spitalore Rajonale “Shefqet Ndroqi”, pranë shërbimit të hemodinamikës realizohet implantimi i defibrilatorëve kardiakë (CRT-D), një procedurë invazive delikate, e cila u vjen në ndihmë pacientëve me probleme të zemrës.
Ministrja thekson se kjo pajisje bashkëkohore, në vijim të investimeve të qeverisë dhe MSHMS për modernizimin e shërbimeve në sistemin shëndetësor publik me aparatura të teknologjisë së lartë, shpëton jetën e pacientit.
Koçiu i shprehu mirënjohje ekipit të mjekëve, Dr. Agron Meshi, Dr. Meriton Siqeca,, Inf. Miranda Saveta, Inf. Eduart Kule, Inf Shpat Lako, të cilët falë kësaj aparature u erdhën në ndihmë dy pacientëve të moshës 45 dhe 60 vjeç.
Në një video të shpërndarë nga ministrja Koçiu, mjeku kardiolog, Dr. Agron Meshi u shpreh se “sot kemi realizuar implantimin e defibrilatorit ose quajtur ndryshe në gjuhën mjekësore (CRT-D)”.
