Reagon Presidenca: Koha e drejtimit të shtetit me Sekretar të Parë ka përfunduar!
Institucioni i Presidencës ka dhënë detaje mbi takimin e zhvilluar dje mes kreut të shtetit, Ilir Meta dhe Kryeministrit Edi Rama, lidhur me mosdekretimin e kandidatit për ministër të Brendshëm, Sandër Lleshi.
Zëdhënësi i Presidentit të Republikës, Tedi Blushi, i pyetur nga mediat, lidhur me takimin e djeshëm “Rama-Meta”, thekson se:
“Informacioni i dhënë nga Kryeministria lidhur me takimin ka qenë ezaurues.
Presidenti Meta konfirmon përkushtimin e tij maksimal në respekt të Kushtetutës, për të bashkëpunuar me të gjitha institucionet në vend, në interes të stabilitetit, forcimit të institucioneve dhe rritjes të kulturës së bashkëpunimit ndërinstitucional me transparencë dhe konstruktivitet.
Por njëkohësisht, Presidenti i Republikës bën të qartë se nuk do të lejojë asnjë përpjekje sfiduese ndaj autoritetit te institucionit qe përfaqëson si Kryetar i Shtetit, Komandant i Përgjithshëm i Forcave te Armatosura dhe Kryetar i Këshillit të Sigurisë Kombëtare.
Presidenti i Republikës ka shprehur gjithmonë gatishmërinë e tij t’i japë shpjegime në mënyrë transparente dhe të përgjegjshme Kuvendit të Republikës së Shqipërisë për të gjitha çështjet që Kuvendi do të shprehë interes. Presidenti Meta ka bindjen e plotë se koha e drejtimit të shtetit shqiptar me Sekretar të Parë ka përfunduar njëherë e përgjithmonë“.
Lexoni edhe:
- Poshtërimi i fundit i kryeministrit Rama ndaj Fatmir Xhafajt
- Manjani: Xhafa është ministër derisa të emërohet ministri i ri, jo zv/ministri
- Gjata:Vendimi i Presidentit Meta, kushtetues. Ai nuk është noter!
- Vasili: Alibitë e lodhura mediatike pas një mosdekretimi
- Rama-deputetëve: Mosdekretimi i Lleshit në shkelje të Kushtetutës
- Lleshi do marrë drejtimin e Ministrisë së Brendshme
- Çfarë di për ‘Lleshin’, ‘Presidentin’ e ‘Kryeministrin’…
- Presidenti tregoi dinjitet, kryeministri respekton Kreun e Shtetit
