22 milionë paund gjobë për 6 klubet angleze që ju bashkuan Superligës

Manchester City, Chelsea, Liverpool, Manchester United, Arsenal dhe Tottenham ishin gjashtë klubet angleze që morën pjesë në krijimin e European Super League. Kritika të shumta shpërthyen dhe turneu dështoi, kjo edhe falë presionit të UEFA-s dhe FIFA-s.

Të 6 klubet ishullore u tërhoqën nga ky projekti, por nuk do ia hedhin pa u ndëshkuar. Daily Mail raporton se drejtuesit e futbollit anglez kanë vendosur t’i gjobisin me 22 milionë paund në total. Nëse ndonjë nga këta klubet përfshihet sërish në nisma të tilla, atëherë do të gjobiten me nga 25 milionë paund dhe do t’u hiqen nga 30 pikë në renditjen e kampionatit.

14 klubet e tjera të Premier League kërkuan që të aplikohej menjëherë zbritja e pikëve në renditje. Shuma e 22 milionë paundëve do të shkojë për mbjelljen e barit dhe iniciativat e fansave dhe komunitetit.