5 viktima nga Covid-19, mbi 4 mijë raste aktive
Kosova E Diel, 26 Shtator 2021 15:32
Ministria e Shëndetësisë në Kosovë, thotë se pesë persona kanë humbur jetën nga koronavirusi, dhe janë regjistruar 77 raste të reja me këtë virus. Rastet e reja vijnë pas 4322 testimeve.
Në 24 orëshin e fundit po ashtu janë shëruar 696 pacientë, ndërkaq raste aktive janë 4.176. Sa i përket vaksinimit, në 24 orëshin e fundit janë kryer 16.481 doza vaksine.
Që prej fundit të marsit, kur Kosova nisi fushatën e imunizimit kundër koronavirusit, e deri më tani, mbi 500 mijë persona kanë marrë mdy dozat e vaksinës. Në Kosovë përdoren vaksinat e AstraZenecas dhe Pfizer/BioNTech.
