Home POLITIKE 7 mijë shqipt...

7 mijë shqiptarë shkuan në Athinë? Kryetari i Librazhdit: Video-montazhi i opozitës, ja për çfarë fola

798
0

Takimi historik i kryeministrit Edi Rama me shqiptarët në Athinë, vijon që të jetë një jehonë. Kreu i Bashkisë së Librazhdit, Mariglen Disha ka reaguar mbi një video montazh ku ai flet nga takimi me diasporën në Greqi. Në media u raportua se Disha ka thënë se nga Shqipëria janë nisur 7 mijë qytetarë për të marrë pjesë në takimin e Ramës në Athinë. Në një postim në Facebook, Disha thotë se është pyetur për numrin e të pranishmëve në takim dhe më pas përgjigjja e tij është nxjerrë nga konteksti.

Postimi i plotë

Jua kuptoj hallin që kanë. Të braktisur nga njerëzit pasi i kanë zhgënjyer dhe nëpërkëmbur, nuk e pranojnë dot një sallë të tejmbushur si asnjëherë më parë me emigrantë shqiptarë që me sakrifica e ndershmëri jetojnë e punojnë prej vitesh në Greqinë fqinje.

Nuk është thjesht mllefi ndaj Partisë Socialiste dhe Kryeministrit Edi Rama por dyshoj në fakt se është mllefi ndaj bashkëkombësve tanë ai që i shtyn këta të mjerë të bëjnë montazhe qesharake si ky i transmetuar në emisionin Piranjat. Jam pyetur prej tyre sa mendoni se është numri i personave të pranishëm në atë takim dhe jam përgjigjur 7000.

Me paturpësi, këtë përgjigje e kanë montuar duke e shkëputur nga konteksti dhe e kanë qepur sipas nevojës së propagandës së tyre bajate sikur të pranishmit në takim ishin marrë me vete nga Shqipëria. Një qepje ordinere që keqpërdor në ekstrem përgjigjen time tjetër për tjetër gjë!

Një takim i tillë me vlera patriotike, pa dallime partiake dhe me krenarinë e madhe që kemi për emigrantët nuk mund të përbaltet nga një portal që ka për qëllim klikimet dhe keqinformimin e publikut. Krenarë për emigrantët shqiptarë në Greqi të cilët dhe njëherë treguan vlerat dhe punën e tyre të jashtëzakonshme.

LAJMET KRYESORE

Të përzgjedhura

Më shumë nga Politika

Më shumë nga Politika

Lajmet e Fundit

Te Fundit