Allegri mund të largohet nga Juventusi, por do të mbetet në Seria A

Massimiliano Allegri po duket gjithnjë e më shumë larg nga Juventusi në verë dhe ka përfunduar në shënjestrën e Napolit, sipas Il Mattino.

Trajnerit 56-vjeçar italian ka ende pak më shumë se një vit nga kontrata e tij me bardhezinjtë, por pritet të shkarkohet në verë, duke lejuar drejtorin Cristiano Giuntoli të fillojë ndërtimin e një projekti të ri në Torino.

Napoli ende nuk ka zgjedhur një trajner të ri afatgjatë përpara largimit të mundshëm të Francesco Calzona-s në verë, por janë lidhur me një sërë opsionesh, duke përfshirë Antonio Conte, Vincenzo Italiano, Stefano Pioli dhe madje edhe Gian Piero Gasperini.

Siç raportohet nga Il Mattino, Giovanni Manna është gati të marrë postin e drejtorit sportiv të Napolit dhe ai po mendon për idenë e sjelljes së Allegrit në Campania pas shkarkimit të tij të mundshëm nga Juventusi në verë.