Ambasadorja Yuri Kim vizitë në Tropojë: Qyteti im më i pëlqyer në Shqipëri, më duket sikur jam me familjen time

Në prag të përfundimit të mandatit të saj në Shqipëri, ambasadorja e SHBA në Shqipëri, Yuri Kim ka zhvilluar vizitë në Tropojë ku i duket sikur është në shtëpi.

Kim u takua me qytetarë dhe konsumoi kafe në një nga lokalet e qytetit ndërsa u shpreh se Tropoja është një nga vendet e saj më të pëlqyera në Shqipëri.

“Kam ardhur ne Tropojë sepse është një nga vendet e mia me të pëlqyera ne Shqipëri. E kam përmendur shpesh që familja e babait tim vjen nga malësitë dhe kur vij në Tropojë apo në veri të Shqipërisë me duket sikur jam me familjen time.

Pas 3 vite e gjysmë në Shqipëri ka ardhur koha të them mirupafshim. Kam ardhur në Tropoje në Bajram Curr për të shprehur respektin tim për të thënë faleminderit,” deklaroi Yuri Kim.