Presidenti i Shqipërisë, Ilir Meta po zhvillon një aktivitet kulturor me ansamblin folklorik të Dibrës ”Hazis Ndreu”. Meta do të nderojë me Tituj edhe disa nga personalitetet e shquara të këtij Ansambli, si dhe do të mbajë një fjalë rasti. Në Parlament po diskutohet dhe më pas do të votohet për shkarkimin e Presidentit.
“Jam shumë i lumtur, që në këtë ditë kaq të bukur pranvere, të mikpres në Institucionin e Presidentit të Republikës, Ansamblin Folklorik të Dibrës “Haziz Ndreu”, që me aq përkushtim u transmeton brezave, traditat folklorike të një treve të shquar atdhetare. Dibranët janë shembull frymëzues i pasionit për mbrojtjen dhe promovimin e vlerave kulturore kombëtare”, shkruan Meta në rrjetet sociale.
