Home POLITIKE Balla i kujto...

Balla i kujtoi Kodin Penal opozitës, Bardhi: Nuk na tremb, as na intimidon

39
0

Kreu i grupit parlamentar të PD-së, Gazment Bardhi, në një dalje për mediat u shpreh se opozita do të vijojë aksionin e saj në Parlament, ashtu si javët e kaluara.

Lidhur me reagimin e ministrit të Brendshëm, Taulant Balla, i cili iu kujtoi Kodin Penal deputetëve të opozitës, dhe i bëri thirrje prokurorisë që ligji të zbatohet njëlloj për të gjithë dhe as deputetët nuk mund t’i shmangen, Bardhi tha se këto deklarata nuk e trembin opozitën dhe as e intimidojnë.

“Janë shenja të një regjimi që po i bën shërbimit më të keq besimit të qytetarëve. Është e papranueshme që ministri i Brendshëm të japë udhëzime se çfarë duhet të një institucionet e drejtësisë. Ato institucione nuk janë në vartësi të Tualant Ballës. Do të ishte e papranueshme për një shtet ligjor që prokurorët t’i vërsulen opozitës se kërkojmë të drejtat tonë. Nuk na trembin dhe as na intimidojmë. Unë di që në radhët e drejtësisë ka prokurorë të ndershëm.

Kur mbyllet çdo rrugë institucionale, pa diskutim që ka dhe do ketë nevojë për mbështetje dhe protestë të qytetarëve. Protestat në Parlament nuk i bëjmë për veten tonë. Besoj se çdo qytetar e ka për detyrë që të reagojë. Jemi para një regjimi në të gjitha tiparet e tij.”, u shpreh Bardhi.

LAJMET KRYESORE

Të përzgjedhura

Më shumë nga Politika

Më shumë nga Politika

Lajmet e Fundit

Te Fundit