Në orët e fundit te Barcelona, kanë ndryshuar planet sa i përket pasuesit të mundshëm të Ronald Koemanit. Mediet spanjolle raportojnë se i preferuari i numrit 1 të klubit është Erik Ten Hag, tekniku 51-vjeçar i Ajaxit të Amsterdamit, por problem mbetet paga e tij.
Pasi studioi mundësitë për afrimin e Pirlos, Marcelo Gallardos, Robert Martínezit dhe Xavit, Laporta ka kaluar tek Ten Hag, trajner i fiksuar me rreshtimin 4-3-3, që presidenti i Barçës e pëlqen aq shumë.
Holandezi ka një problem të ngjashëm me atë të Roberto Martínezit dhe Gallardos, sepse ai ka një kontratë me Ajaxin dhe duket e vështirë ta lënë të largohet në këtë pikë të sezonit.
