Nuk pranonte humbjen, kandidati republikan gjuante me armë shtëpitë e rivalëve
![](https://kohajone.com/wp-content/uploads/2023/01/Screenshot_2-12-1280x672-1-1.jpg)
Një ngjarje e pazakontë është regjistruar së fundmi në Shtetet e Bashkuara të Amerikës, ku autoritetet policore kanë vënë në pranga një ish kandidat të republikanëve. Arsyeja ishte tepër absurde, 39-vjeçari Solomon Pena nuk pranonte humbjen në zgjedhjet e nëntorit në shtetin e New Mexico dhe për këtë arsye me armë në dorë qëllonte nga makina shtëpitë e ligjvënësve demokratë.
Policia arriti të krijonte një identikit të autorit pasi ngjarja ishte përsëritur disa herë dhe më në fund vuri në pranga republikanin Pena në shtëpinë e tij, në një operacion ku morën pjesë dhe forcat speciale të SWAT. Fatmirësisht nga të shtënat nuk pati asnjë të lënduar, por në një rast tre plumba ranë në dhomën e gjumit të vajzës 10-vjeçare të një senatoreje.
Katër persona të tjerë dyshohet se bashkëpunuan me Pena, i cili i kishte paguar ata për të kryer të paktën dy nga sulmet me armë nga makina të vjedhura.