Fabio Capello analizon edhe problemet e Milanit në një intervistë të dhënë për “Gazzetta dello Sport”.
“Në pjesën e dytë të sezonit, Milanit i mungonte kontributi i disa lojtarëve themelorë, nga Maignan te Hernandez, nga Tomori te Leao.
Po qe se janë ata shtyllat mbi të cilat klubi dëshiron të ndërtojë Milanin e së ardhmes, duhet të saktësohet nëse këta emra të mëdhenj duan t’i japin ende fanellës kuqezi. Me grupin aktual, klubit kuqezi i duhet të ndërhyjë. Më konkretisht i nevojiten tri përforcime: një qendërmbrojtës, një mesfushor dhe padyshim qendërsulmues.
Leao? Ai ka një potencial të madh, por kurrë nuk e dini se çfarë ndeshjeje do të luajë. Kjo krijon dyshime te trajneri. Mua më duket e pamundur që një lojtar me ato cilësi të mos ketë zemërimin, kompetivitetin e duhur. Shihni Bellinghamin te Real Madridi, ndikimi i tij ka qenë i pabesueshëm. Nëse Leao dhe Theo Hernandez nuk japin më të mirën, është si 60% e ekipit kuqezi të mungojë.
Nëse Milani kërkon të duhurin, duhet të bëjë çmos të marrë Zirkzee. Ai ka cilësi, është fizikisht i fortë dhe e njeh Serie A. Nuk do të kishte nevojë për kohë përshtatjeje”, deklaroi Capello.
