Home Sporti Dardanët bëjn...

Dardanët bëjnë namin, shiten për pak minuta biletat e sfidës ndaj Suedisë

93
0

Janë shitur brenda pak minutave të gjitha biletat e rezervuara për tifozët dardanë për duelin Suedi-Kosovë, që do të zhvillohet më 9 tetor në Solna. Federata suedeze ka hedhur sot në shitje biletat për tifozët miq, ku janë përzgjedhur  tre sektorë të tribunës pas portës për Dardanët.

Interesimi i kosovarëve që jetojnë në Suedi ka qenë i jashtëzakonshëm, duke i përfunduar të gjitha biletat vetëm për pak minuta. Edhe në pjesët e tjera të stadiumit biletat janë shitur në sistemin online dhe besohet se një numër i konsiderueshëm janë blerë nga dardanët.

Në këtë mënyrë më 9 tetor me shumë mundësi në Suedi do të bëjnë “ligjin” te tifozët ata nga Kosova, një motiv më shumë për futbollistët për të dhënë maksimumin.

LAJMET KRYESORE

Të përzgjedhura

Më shumë nga Sporti

Me shumë nga Sport

Lajmet e Fundit

Te Fundit