
Erling Haaland vazhdon të thyejë rekorde dhe të konfirmojë statusin si një nga sulmuesit më të mirë të futbollit botëror. Ylli i Norvegjisë ka kaluar Kylian Mbappenë në numrin e golave të shënuar me kombëtaren, pavarësisht se ka zhvilluar 47 ndeshje më pak se sulmuesi francez.
Sipas statistikave të publikuara, Haaland ka arritur në kuotën e 68 golave në 61 paraqitje me fanellën e Norvegjisë. Në krahun tjetër, Mbappe numëron 67 realizime në 108 ndeshje me përfaqësuesen e Francës.
Këto shifra tregojnë efikasitetin e jashtëzakonshëm të sulmuesit të Manchester Cityt, i cili ka një mesatare prej më shumë se një goli për ndeshje në nivel kombëtaresh.
Haaland është shndërruar në liderin absolut të Norvegjisë dhe një nga armët kryesore të skuadrës në objektivat për kompeticionet ndërkombëtare. Në moshën 26-vjeçare, ai ka ende shumë vite përpara për të përmirësuar statistikat dhe për të vendosur rekorde të reja.
Ndërkohë, Mbappe mbetet një nga golashënuesit më të mirë të Francës dhe një prej yjeve kryesorë të futbollit botëror. Megjithatë, në këtë garë statistikore, Haaland ka marrë avantazhin, duke treguar një ritëm realizimi mbresëlënës. Diferenca prej një goli dhe 47 ndeshjesh më pak e bën këtë statistikë edhe më domethënëse për sulmuesin norvegjez.
