Mbrëmjen e kësaj të hëne, Tirana mori një fitore shumë të rëndësishme, teksa mposhti Kukësin me rezultatin 2-1, në ndeshjen e vlefshme për javën e 28-të në Abissnet Superiore.
Fitore me shumë vlera për bardheblutë që nisin shkëputjen dhe mbajnë vendin e parë me 50 pikë, 2 më shumë se ndjekësit e Partizanit, që u ndalën më herët në barazim nga Egnatia.
Sa i përket ndeshjes, Tirana kaloi në avantazh me Hilën në minutën e 42-të, ndërsa verilindorët barazuan shifrat në minutën e 51. Duhet të vinte minuta e 89-të, që Tirana të shënonte edhe golin e fitores. Sulmuesi Hasani u tregua i saktë nga pika e bardhë e penalltisë, duke shënuar golin që vlen 3 pikët. Ndërkohë Kukësi mban vendin e 7-të me 35 pikë.
