Gol fantazmë në miqësoren Chelsea-Arsenal, gjyqtarët nuk e panë topin që shkoi brenda kuadratit (VIDEO)
Talentit të Arsenalit, Joe Willock i është mohuar një gol krejtësisht i dukshëm në miqësoren ndaj Chelsea-t. Ai arriti që të barazonte rezultatin (2-2) 10 minuta nga fundi i miqësores së sotme, por goli nuk u akordua.
Willock goditi mjaft mirë me të djathtën brenda zonës, topi preku traversën dhe më pas shkoi brenda vizës së portës, por një gjë e tillë nuk u pa as nga arbitri anësor dhe as nga kryesori.
Teknologjia nuk përdoret në miqësore, ndaj dhe vendimi nuk ndryshoi dhe për pasojë goli fantazmë mbeti i tillë.