Kryetarja e LSI-së Monika Kryemadhi komentoi në ”Task-Force” në Syri Tv, skandalin me aferën korruptive të inceneratorëve. Ajo tha se prej 9 muajsh kemi të bëjmë me një evazion fiskal. Për të me inceneratorët e Fierit dhe Elbasanit hapeshin kompanitë dhe merreshin paratë dhe më pas këto kompani mbylleshin.
“Korrupsioni i inceneratorit të Elbasanit dhe Fierit, hapeshin kompani, merreshin paratë, tërhiqeshin nga bankat e nivelit të dytë, mbylleshin kompanitë. Flagrante.
Sa i përket kësaj skeme, shumë më e vështirë, janë parë qindra mijëra fatura që janë analizuar. Inceneratori i Tiranës, është off shore. Duket që pas inceneratorit të Elbasanit e Fierit, Edi Rama është bërë truri i skemës financiare, për të menaxhuar e fshehur gjurmët e këtij operacioni financiar për të përgatitur periudhën e fushatës zgjedhore të 2021.
Koka dhe truri financiar i kësaj skeme, jo veç i evazionit fiskal dhe përdorimit të fondeve publike të buxhetit të shtetit, por është edhe truri i pastrimit të parave të drogës që përmes kompanive fiktive, kanë futur para të pista jashtë Shqipërisë”.
