Aty ku mbrëmë ndodhi një vrasje, këtë pasdite kryetari i Partisë së Lirisë, Ilir Meta në një takim me strukturat, tha se Elbasani është qyteti më i prekur nga varfëria dhe nga krimi në Shqipëri. Meta tha se kohët e fundit policia është e specializuar vetëm për mbledhje gëzhojash.
Për të qytetarët e Elbasanit janë bërë shpesh dëshmitarë të ngjarjeve të rënda kriminale në qytetin e tyre, kjo për shkak të nxitjes që politika po i jep krimit.
”Qytetarët e Elbasanit kanë qenë shpesh dëshmitarë nga tronditjet e mëdha që i kanë ardhur qytetetit. Në 24 orë 3 atentate dhe katër viktima përfshirë këtu edhe qytetin tuaj, në 8 muaj dyzet e ca atentate. Specializimi i policisë kohët e fundit është mbledhja e gëzhojave, pasi policia është e mpirë për shkak të lidhjes së krimit me politikën. Këtu promovohen policët që nuk bëjnë detyrën”.
