Home POLITIKE Ministrja e A...

Ministrja e Arsimit, Kushi: Nga e hëna mësimi pa turne, dhe me kohëzgjatje normale

128
0

Ministrja e Arsimit, Evis Kushi në një video mesazh, ka bërë me dije se nga dita e hënë mësimi në mbarë shkollat e Shqipërisë do të jetë pa turne dhe me kohëzgjatje normale.

”Duke filluar nga dita e hënë e javës së ardhshme, në të gjitha shkollat e vendit, do të zhvillohet mësim normal, pa turne dhe me kohëzgjatje normale të orëve mësimore
Por, përgjegjësia jonë e përbashkët është edhe më e madhe për të zbatuar masat e nevojshme që mbrojnë shëndetin e të gjithëve: vazhdimi i procesit të vaksinimit, mbajtja e maskave, dezinfektimi i mjediseve, ruajtja e higjienës, në mënyrë që mos të jemi të detyruar t’i rikthehemi më skenarit të mësimit me turne. Faleminderit të gjithëve dhe suksese”.

Ky vendim i ministres është një fitore për prindërit, të cilin kishin kërkuar me ngulm rikthimin e mësimit normal. Prindërit kishin parlajmëruar më herët edhe protesta në rast mos reflektimi nga Ministria e Arsimit, pasi e shihnin të paarsyeshme dhe të pakuptimtë vendimin për mësim me orare të shkurtuara dhe me turne. Ata thanë se e kanë të pamundur të ndjekin fëmijët në orare të ndryshme për t’i çuar dhe marrë nga shkolla.

LAJMET KRYESORE

Të përzgjedhura

Më shumë nga Politika

Më shumë nga Politika

Lajmet e Fundit

Te Fundit