Mitsotakis nuk e ftoi në darkën në Athinë, Rama: S‘jam ndjerë i fyer, politika është një bishë e rrezikshme

Kryeministri Edi Rama ka folur këtë të dielë për herë të parë në lidhje me vendimin e kryeministrit grek Kyriakos Mitsotakis për të mos e ftuar në mbledhjen me liderët e Ballkanit Perëndimor.

Për median greke “Ekathimerini”, kreu i qeverisë tha se nuk e merr personale e se të ishte në vendin e tij nuk do të bënte të njëjtën gjë. Për të politika është një bishë e rrezikshme.

‘Kam mësuar në jetë se të ndihesh i ofenduar personalisht nuk është diçka e mirë. Kur bëhet fjalë për politikën, që mund të bëjnë keq, politika është një bishë e rrezikshme. Mund të të tërheq poshtë, jo nuk jam i ofenduar. Thjesht nuk duhet të bënte atë që bëri. As nuk e imagjinoj që në një situatë të njëjtët të bëja të njëjtën gjë. Të lidhet këtë qëllim të madh për të dërguar një mesazh mua, Shqipëria, çfarëdo rëndësie ka Greqia, nuk është kjo mënyra. Miqtë duhet të përballen me njëri-tjetrin të përpiqen që të kuptohen, të flasin. Kyriakos ishte një mik që e pëlqeja dhe akoma është një mik që e pëlqej. Kyriakos do të jetë gjithmonë mik‘,-tha Rama.

Intervistën për median greke “Ekathimerini”, Rama e paralajmëroi pak ditë më parë, teksa i kthente përgjigje gazetarit grek Pavlos Papadoupolos, i cili kishte kritikuar shtetin shqiptar për çështjen Beleri.