Trajneri i Lazios, Maurizio Sarri kërkon që lojtarët e ekipit të tij të luajnë gjithmonë me pasime në tokë dhe jo me topa të gjatë. Ish-trajneri i Napolit, Chelsea dhe Juventus është i njohur për stilin e tij ‘Sarriball’ ose ‘Sarrismo’, të gjitha bazohen rreth lëvizjeve me pasime të shpejta.
Gjatë një miqësore ndaj Triestinës, Sarri është dëgjuar duke i dhënë disa udhëzime Hysajt, i cili po jepte shumë topa të gjatë.
“Nëse të shoh që e ngre lart atë top një herë, unë do t’i jap një penallti kundër!”
Hysaj është një nga lojtarët e preferuar të Sarrit, pasi kanë punuar së bashku si te Empoli dhe te Napoli.
