Home POLITIKE PD-ja e Alibe...

PD-ja e Alibeajt në Bashkinë Vau Dejës vendos: Do të mbështesim Zef Hilën si kandidat për zgjedhjet e 14 Majit

547
0

Atë që nuk po e bën politika e madhe në Tiranë, po e bëjnë degët e PD-së dhe te Foltores në disa rrethe, të cilët po bashkohen për të pasur një kandidat të opozitës për zgjedhjet lokale të 14 Majit. Dega e Partisë Demokratike, Vau Dejës, ka mbajtur mbrëmjen e së hënës një mbledhje me strukturat e saj në lidhje me situatën e kandidatëve për zgjedhjet lokale të 14 Majit.

Ata kanë vendosur të mbështesin vetëm kandidatin Zef Hila. Dhe duhet thënë se që sonte Zef Hila do të fitojë me 14 maj, pasi përveç integritetit dhe profesionizmit të treguar ndër vite në këto zona të kësaj bashkie, ai është i vetmi që arriti të përbashkojë krejt demokratët për të dalë me një kandidaturë.

Rasti i Zef Hilës duhet përgjithësuar, pasi vetëm kështu fitohet me 14 maj.

KRONIKA

Ka qenë anëtari i Kryesisë dhe kryesuesi i listës së këshillit bashkiak për PD Vau Dejës Gjon Marku, i cili para anëtarëve ka vlerësuar rëndësinë e këtyre zgjedhjeve, por edhe domosdoshmërinë që PD-ja Vau Dejës të mbështesë kandidatin e Primareve, deputetin Zef Hila.

Anëtarët kanë qenë unanimisht dakord për emrin e Zef Hilës për të mbështetur në zgjedhjet e 14 Majit, duke i kërkuar Kryesisë së PDSH që në Vau Dejës të mos ketë kandidat tjetër. Në mbyllje të diskutimeve, Kryetari i Degës së PD Vau Dejës, ka dalë me vendimin unanim, që PD Vau Dejës mbështet kandidatin e Primareve, deputetin Zef Hila në zgjedhjet e 14 Majit në Bashkinë Vau Dejës.

Në përfundim të mbledhjes anëtarët e PD në Vau Dejës kanë firmosur edhe një peticion drejtuar Kryesisë së PDSH, që të marrë në konsideratë vendimin e tyre unanim për të mbështetur Zef Hilën në zgjedhjet e 14 Majit

Deklarata e plotë

Të nderuar drejtues të degës së Partisë Demokratike, Vau Dejës, të dashur anëtarë të Aktivit të PD Vau Dejës. Fillimisht, dëshiroj t’ju falënderoj për pjesëmarrjen tuaj në këtë takim, dhe t’ju shpreh mirënjohjen për angazhimin tuaj të vazhdueshëm në çdo fushatë, protestë, takim dhe aktivitet të Partisë Demokratike gjatë këtyre 10 viteve të opozitës.

Sic jeni në dijeni, në datën 6 Mars 2023, Kolegji i Kryetarëve të Partisë Demokratike, ka zhvilluar një mbledhje, në të cilën është diskutuar lidhur me pjesëmarrjen tonë në zgjedhje. Në përfundim të kësaj mbledhje, kryetari i komanduar, z. Enkelejd Alibeaj ka dalë me një deklaratë, ku iu ka bërë thirrje të gjithë kandidatëve të dalë qoftë nga primaret e organizuara nga ana jonë në vitin 2021, ashtu edhe primaret e organizuara nga Rithemelimi në vitin 2022, që të bashkohen nën logon e PD-së, në mënyrë që në zgjedhjet lokale të 14 Majit 2023.

Në vijim të kësaj thirrjeje, në datën 10 Mars 2023, Kryesia e PD Vau Dejës ka zhvilluar një mbledhje, në përfundim të cilës është vendosur që duke qenë se deputeti i zonës, z. Zef Hila është një kandidat që ka pasur mbështetje në të dy proceset e primareve, të shprehim vullnetin tonë për të mbështetur kandidaturën e tij, si kandidat unik i të gjithë demokratëve të Vau Dejësit, për zgjedhjet vendore të 14 Majit. Bindja jonë e plotë ka qenë se për shkak të kontributit që z. Hila ka si ish-kryebashkiak dhe deputet i zonës, ai do të jetë kandidaturë fituese.

Vendimmarrja e Kryesisë është bërë publike për mediat dhe i është komunikuar me shkrim lidershipit të PD-së, përkatësisht kryetarit të komanduar, z. Enkelejd Alibeaj, nënkryetares znj. Jorida Tabaku, dhe sekretarit të përgjithshëm, z. Gazment Bardhi. Nga komunikimet që unë si kryetar i degës Vau Dejës kam pasur me lidershipin e partisë, kam kërkuar vetëm që vullneti i anëtarëve tanë të respektohet dhe dua të besoj se do të respektohet, në funksion të fitores së bashkisë dhe bashkimit të demokratëve.

Arsyeja pse e kam thirrur këtë mbledhje, është se mendoj që kemi të bëjmë me një vendimmarrje shumë të rëndësishme, që duhet të gëzojë mbështetjen e gjithë strukturave tona, dhe jo vetëm kryetarit të degës apo Kryesisë së Partisë. Prandaj, do të zhvillojmë një diskutim të hapur dhe mirëpres qëndrimin e secilit prej jush. Në fund, edhe ky aktiv duhet të dalë me një vendim për pjesëmarrjen në zgjedhje dhe kandidatin tonë. Vendimin e këtij organi, do t’ia përcjell organeve drejtuese të Partisë Demokratike.

Dëshiroj t’ju garantoj se unë si kryetar dege nuk do të pranoj kurrë një kandidaturë, kushdo qoftë ajo apo ai, që nuk është produkt i zërit dhe votës tuaj. Kushdo duhet ta dijë se koha kur kandidatët caktoheshin nga qendra, duke injoruar gjithë bazën e partisë, është një praktikë që ka marrë fund. Faleminderit!

LAJMET KRYESORE

Të përzgjedhura

Më shumë nga Politika

Më shumë nga Politika

Lajmet e Fundit

Te Fundit