“Askush nuk është mbi ligjin”, reagon ambasadorja Yuri Kim
Ambasadorja e SHBA në Tiranë Yuri Kim ka reaguar pas paralajmërimit të Britanisë së Madhe për shpalljen non grata të personave të përfshirë në korrupsion.
Kim shkruan se SHBA e mirëpret këtë vendim të rëndësishëm të Britanisë së Madhe ndërsa thekson se ata që kanë abuzuar me besimin e publikut duhet të përballen me drejtësinë.
“Ne e mirëpresim këtë veprim të rëndësishëm të Britanisë së Madhe. Ata që kanë abuzuar me besimin e publikut për të pasuruar veten dhe për të shtrembëruar sundimin e ligjit – me fjalë të tjera, ata që janë përfshirë në korrupsion të madh dhe kanë minuar demokracinë – duhet të përballen me drejtësinë. Askush nuk është mbi ligjin”, shkruan Yuri Kim.
We welcome this important 🇬🇧 action. Those who have abused the public’s trust to enrich themselves & pervert the rule of law – in other words, those who have engaged in significant
corruption & undermined democracy – must face justice. No one is above the law. https://t.co/HFB3cIThVJ— Ambassador Yuri Kim (@USAmbAlbania) July 21, 2022