Rey Manaj në super formë, shënon dy gola fantastik në Turqi (VIDEO)
Sporti E Martë, 28 Nëntor 2023 14:06
Rei Manaj është rikthyer në formën e tij më të mirë. Sulmuesi shqiptar ishte protagonist në Turqi, ku teksa shënoi dy gola të tjerë me ekipin e tij Sivaspor.
Në duelin përballë Trabzonsporit, Manaj gjeti rrjetën në minutën e 20 të takimit, kur goditi bukur me kokë dhe dërgoi topin pas shpinës së portierit.
Në pjesën e dytë, Manaj realizoi nga distanca një gol spektakolar, ndërsa 90 minuta u mbyllën me rezultatin e barabartë 3-3. Një pikë që e mban skuadrën e Manajn në mesin e tabelës me 15 pikë pas 13 javësh. Nëse vijon me këto ritme, ai mund të ketë pse jo dhe një ftesë nga Sylvinho për miqësoret e muajit mars.
